बिलासपुर

पत्नी अउ पुत्र ही निकलिस हत्यारा

पत्नी अउ पुत्र ही  निकलिस हत्यारा

बिलासपुर। सिरगिट्टी अउ तोरवा पुलिस ह पिछले बरस मिले सड़े-गले लाश के गुत्थी सुलझा लिस हे। डीएनए टेस्ट ले मृतक के पहचान करे गिस हे । पत्नी अउ बेटा ह ही वोकर हत्या करे रिहिस हे। पुलिस ह दूनों ल गिरफ्तार कर लिस हे।

पिछले बरस 13 सितंबर 2014 के सिरगिट्टी थाना क्षेत्र के फदहाखार के झाड़ी मन के बीच म अज्ञात व्यक्ति के सड़े-गले लाश मिले रिहिस हे। हत्या करके शव ल वहां फेंके के साथ साक्ष्य मिटाए के भी प्रयास करे गए रिहिस हे। पुलिस ह मर्ग कायम कर शव के पीएम कराईस। पीएम रिपोर्ट म मृतक के सिर म भारी चीज ले वार करे अउ पसली के तीन हड्डी टूटे ल मौत के वजह बताए गिस हे। पुलिस ह अज्ञात आरोपी मन के खिलाफ जुर्म दर्ज कर मामला ल विवेचना म लिस। वहिंच दूसरा ओर 10 सितंबर 2014 के तोरवा क्षेत्र के स्वास्तिक कॉलोनी म रहिने वाली ममता लालपुरे पति निर्मल लालपुरे ह पति निर्मल लालपुरे के गयाब होए के रिपोर्ट लिखाईस। रिपोर्ट म अपहरण के संदेह व्यक्त करे गए रिहिस हे।

पति रेलवे म नौकरी करे के साथ ब्याज म उधार दे के भी काम करत रहिस हे। इही कारण वोकर कई लोगन मन ले दुश्मनी होए के बात कहे गिस। इही नहीं महिला गायब पति ल  तलाश करे बर लगातार पुलिस के ऊपर दबाव बनावत रहीस हे। तोरवा पुलिस ह गुम इंसान कायम कर गायब व्यक्ति के घर के मुआयना करिस। एमे कमरा म लगे एक दीवार घड़ी म खून के दाग पाए गए रिहिस हे। ऐकर अलावा नैनो कार म भी खून के दाग मिलिस। पूछताछ म महिला ह दुर्घटना म दामाद धनराज पनसेरिया के घायल होए म अस्पताल ले जात समय गाड़ी म खून के दाग लगे के बात कहिस। पुलिस ह धनराज के खून के नमूना अउ कार म लगे खून के परीक्षण कराईस।

ऐमे ले कार म लगे खून के ग्रुप बी पाए गिस,  वहीं धनराज के ग्रुप ओ रिहिस हे। ऐमे अंतर आए के बाद पुलिस ल सिरगिट्टी म मिले लाश अउ गायक निर्मल लालपुरे के बीच संबंध होए के संदेह गहरा हो गिस। पुलिस ह लाश अउ वोकर बड़े पुत्र नीरज लालपुरे व भाई के रक्त हैदाराबाद ले डीएनए टेस्ट बर भेजिस। ऐमे ले लाश अउ दूनों के डीएनए ल एक सामान पाए गिस। शव के पहचान होए के बाद पुलिस ह पत्नी ममता लालपुरे अउ छोटे पुत्र निशांत उर्फ शांत ल हिरासत म लेके पूछताछ करिस। येमे दूनों ह हत्या करे  के बात स्वीकार करिस। पुलिस ह हत्या के आरोपी ममता व निशांत लालपुरे ल गिरफ्तार करिस हे।

मृतक निर्मल लालपुर के दू पुत्र रहिस हे। येमे ले बड़े पुत्र नीरज गैर जाति म शादी कर देवरीखुर्द म अलग रहत रिहिस हे । छोटे पुत्र निशांत व पत्नी ममता स्वास्तिक नगर कालोनी म रहत रिहिस हे। एक घर म रहे के बावजूद पिछले कुछ बरस ले वोहा पत्नी व छोटे बेटा ले बात नइ करत रिहिस हे । वोहा बड़े बेटा के इहां खाना खात रिहिस हे । घर खर्च नइ दे ले दूनों मां-बेटा वोकर से नफरत करत रिहिस हे। घटना दिनांक के मृतक बाहर ले खाना लेके आईस, उही समय निशांत ह राड ले वोकर सिर म वार करिस। ऐकर बाद सीना म कई वार करिस। ऐकर बाद भी जीवित होए म नायलोन के रस्सी ले गला घोटके हत्या कर दिस। मउत होए के बाद मां के साथ मिलके नैनो कार ले शव ल फदहाखार म फेंक दे रिहिस हे।

 

More Photo

    Record Not Found!


More Video

    Record Not Found!


Related Post

Leave a Comments

Name

Contact No.

Email