बिलासपुर/ मुंगेली : । मुंगेली वन मंडल ह बुधवार के अवैध आरा मिल मन के खिलाफ वन विभाग ह कार्रवाई करिस हे। करीब 30 अवैध आरा मिल मन म छापामारी करत वहां मशीन ल उखाड़के सील कर दिस हे। ऐकर अलावा भारी मात्रा म लकड़ी ल जब्त करे गिस हे । मशीन व लकड़ी मन के कीमत करोड़ों म आंके जावत रहे।
वन विभाग ह पहली बार अवैध आरा मिल मन के खिलाफ सख्ती बरतिस हे । कार्रवाई सीसीएफ बी आनंद बाबू के निर्देश म होइस हे । वोला लगातार मुंगेली वन मंडल म अवैध आरा मिल संचालित होए के सूचना मिलत रिहिस हे। कार्रवाई के रूपरेखा ल गोपनीय रखे गिस । एकाएक आदेश होइस अउ अलग-अलग वनमंडल ल मिलाके 10-10 वन अधिकारी मन व कर्मचारी मन के 19 टीम बनाए गिस । ऐकर बाद वोमन ल कार्रवाई के आदेश दे गिस । सुबह 7 बजे मुंगेली वनमंडल म पहुंचके टीम ह अलग- अलग मिल मन म छापामार कार्रवाई करिस। कार्रवाई ले अवैध आरा मिल संचालक मन म हड़कंप मच गिस। एक साथ 30 आरा मिल मन म कार्रवाई करे गिस। ऐ सभी ल सील कर दे गिस हे। साथ ही वहां के मशीन व लकड़ी ल जब्त करे गिस । मशीन व लकड़ी ल मुंगेली के डिपो म रखे गए हे गया । अभी कीमत के आंकलन नइ हो पाए हे।
वन अफसर मन के ऊपर उठिस उंगली
ऐ कार्रवाई के बाद वन मंडल के अफसर व वन कर्मचारी मन के ऊपर उंगली उठे बर लगिस हे। काबर कि सबो अवैध आरा मिल सालों ले संचालित होवत हे । ऐकर बाद भी वोमन ल ऐकर जानकारी नइ मिलीस ।
कुछ मिल संचालक मन के ऊपर रहम
नवापारा, कोना समेत कुछ जगह म वन विभाग के टीम ह दबिश तो दिस पर वहां ले जब्ती के कार्रवाई नइ करे गिस । ऐकर अलावा कुछ मिल के सामने अउ भी मिल संचालित रिहिस हे। लेकिन टीम ह जांच तो दूर पूछताछ तक नइ करिस । ऐकर ले भी विभाग के ये कार्रवाई म प्रश्न चिन्ह लगत हे।
