बिलासपुर । सरकंडा के जोरापारा निवासी व रामदुलारे दुबे हायर सेकेंडरी स्कूल के प्राचार्य के 10 बरसीय बच्चा खेलत-खेलत बंद कमरा म चुनरी के फंदा म फंस गिस। जेकर ले वोकर मउत हो गिस। पुलिस मामला के जांच करत हे ।
जोरापारा निवासी अनिल तिवारी पं. रामदुलारे दुबे हायर सेकेंडरी स्कूल म प्राचार्य के पद म कार्यरत हाबे। वोकर बेटा आदित्य तिवारी उर्फ कामाख्या डीएवी स्कूल म चौथी कक्षा के छात्र रिहिस हे। घटना शुक्रवार दोपहर के हरे। श्री तिवारी कोनो काम ले घर ले बाहिर गए रिहिस हे। उही समय घर म आदित्य खेलत रिहिस हे । वोकर मां अउ बुआ दूसरा कमरा म काम करत रिहिस हे। आदित्य कमरा म पढ़ाई करत रहिस हे । वोहा गला म चुनरी रखे रिहिस हे अउ कमरा भी बंद रिहिस हे।
चुनरी वोकर गला म फंदा बनके फंस गिस अउ वोहा फंदा म लटकत रिहिस हे। अचानक वोकर मां ल कमरा ले कुछ आवाज नइ आईस त वोहा दरवाजा खटखटाईस। लेकिन, अंदर ले कोई आहट नइ आईस। दरवाजा अंदर ले बंद रिहिस हे। इही म वोमन ह पड़ोसी मन ल बुलाईस। फिर दरवाजा ल धक्का देके तोडिस त पता चलिस कि आदित्य चुनरी ले फंदा म लटकत रिहिस हे । आनन-फानन म वोमन ह फंदा खोलिस। लेकिन, तब तक आदित्य बेहोश हो गए रिहिस हे । वोला तत्काल अपोलो अस्पताल ले जाए गिस । लेकिन, आदित्य के मउत हो चुके रिहिस हे । ये घटना ले मोहल्ला म सनसनी फईल गिस। सूचना मिलत ही पुलिस भी मउका म पहुंच गिस। पुलिस शव के पंचनामा व पोस्टमार्टम कर कार्रवाई के बाद मर्ग कायम कर मामला के जांच करत हे।
