बिलासपुर। मस्तूरी के ग्राम देवगांव म एक युवक ह आंगन म खेलत तीन वर्षीय बच्चा के सिर म हंसिया ले वार कर दिस। गंभीर रूप ले घायल बच्चा ल बिलासपुर के निजी अस्पताल म भर्ती कराए गए रिहिस हे । उपचार के दउरान वोकर मउत हो गिस। मस्तूरी पुलिस ह आरोपी ल गिरफ्तार कर ले हे।
मस्तूरी थाना क्षेत्र के ग्राम देवगांव निवासी प्रहलाद दास खांडे के 3 बरस के पुत्र दीक्षांत खांडे 25 दिसंबर के सुबेह घर के आंगन म खेलत रिहिस हे। उही समय पड़ोस म रहिने वाला विजय कुमार बंजारे ह बच्चा के सिर म हंसिया मार दिस।
गंभीर रूप ले घायल मासूम मउका म गिरके झटपटाए बर लग गिस। वोला तुरंत मस्तूरी अस्पताल लाए गिस। हालत गंभीर होए म डॉक्टर ह सिम्स भेज दिस। घायल बच्चा ल निजी अस्पताल म भर्ती कराए गए रिहिस हे । उपचार के दउरान बच्चा के 31 दिसंबर के मउत हो गिस। सूचना म सिविल लाइन पुलिस ह मर्ग कायम कर शव के पीएम कराईस हे। मस्तूरी पुलिस ह आरोपी ल 25 दिसंबर के गिरफ्तार कर जेल भेज दिस हे। घायल के मउत होए म आरोपी के खिलाफ धारा 302 के तहत अपराध पंजीबद्घ करे जाहि।
