बिलासपुर

बाइक के किश्त ल पटाए बर आरोपी ह मासूम के करे रिहिस हे अपहरण, गिरफ्तार

बाइक के किश्त ल पटाए बर आरोपी ह मासूम के करे रिहिस हे अपहरण, गिरफ्तार

बिलासपुर/सरगांव । तीन साल के मासूम के अपहरण करके फिरौती मांगे के मामला म पुलिस ह तीन आरोपी मन ल गिरफ्तार कर लिस हे। मासूम बच्चा के चाचा ह ही बाइक के किश्त पटाए बर अपहरण कर फिरौती वसूले की साजिश रचे रिहिस हे।

सरगांव चौकी के मोहभठ्ठा निवासी पूनाराम वर्मा गांव म उपसरपंच हे। बीते मंगलवार सुबेह वोकर तीन वर्षीय पोता निरजंन वर्मा पिता हेमराम वर्मा खेलत रिहिस हे,  तभे सुबेह 11 बजे अचानक गायब हो गिस। वोकर गायब होए के खबर ले गांव म हड़कंप मच गिस। इही बीच फोन काल करके फिरौती मांगे ले परिवार वाला मन ह सकते म आ गिस। वोमन ह तत्काल घटना के सूचना पुलिस ल दिस।

अपहरण के सूचना मिलत ही पुलिस भी सतर्क हो गिस अउ संदेही मन म नजर रखे बर बल तैनात कर दिस। मोबाइल के अंतिम लोकेशन गांव म मिले के कारण पुलिस पल-पल के गतिविधि के जानकारी लेवत रिहिस हे। वहीं आरोपी भी पुलिस के गतिविधि मन म नजर रखे बर लगिस। इही बीच पुलिस अपहरणकर्ता मन ल पकड़े के योजना बनाईस। ऐकर पहिली ही अपहरणकर्ता मन ह मासूम बच्चा ल गांव के बाहर छोड़ दिस। वही मामला के जांच करत पुलिस ल उपसरपंच के भतीजा म शक होईस। पुलिस के टीम ह भतीजा उत्तम वर्मा (25) ल गांव म ही पकड़ लिस। इही दउरान वोकर दू साथी पूरण लाल वर्मा (27), प्रकाश वर्मा (26) ल घर म दबिश देके गिरफ्तार कर लिस। उत्तम ह बच्चा के अपहण करना स्वीकार करिस हे। आरोपी मन के मोबाइल ल ट्रेस करके पुलिस ह वोमन ल गिरफ्तार करिस हे।

आरोपी मन बताईस

पुलिस के पूछताछ म आरोपी उत्तम वर्मा ह बताईस कि वोहा मोटरसाइकिल के किश्त जमा नइ कर पावत रिहिस हे । वोहा एक बार म ही किश्त जमा करे बर बच्चा के अपहरण कर लिस। वोहा बिना आईडी दे सरगांव के मोबाइल दुकान ले सिम लिस, उही नंबर ले वोहा परिजन मन ल फोन करके 50 हजार रुपया के फिरौती के मांग करत रिहिस हे ।

More Photo

    Record Not Found!


More Video

    Record Not Found!


Related Post

Leave a Comments

Name

Contact No.

Email