सरगुजा
सरगुजा के जंगल म जारी हे हाथी मन के आतंक, वन विभाग के सबो बंदोबस्त होवत हे फेल

सरगुजा : जशपुर अउ सितापुर के बाद अब बतौली के जंगल मन म हांथी मन ह अपन डेरा जमा रखे हे. लगभग 35 के संख्या वाला जंगली हांथी मन के दल ह पूरा इलाका म तबाही बनके घूमत हे. हांथी मन ह अब तक सैंकड़ों एकड़ म लगे साग सब्जि अउ गन्ना के फसल मन ल तबाह कर दिस हे.

हाथी मन के डर ले ग्रामीण मन ऐ कदर ले खौफजदा हे कि खुले आंख ले रात गुजारे बर मजबूर हे. वहीं, हाथी मन म काबू पाए म अउ वोला खदेड़े म वन अमला नाकाम साबित होवत हे.

ग्रामीण मन के अनुसार सगुरजा संभाग के दर्जन भर ले ज्यादा गांव मन म ऐ दिन 35 जंगली हाथी तबाही बनके घूमत हे. हाथी मन ह जुनापारा, मंगारी, पथरई अउ सिलमा म जमके उत्पात मचाए हे. हाथी मन ह किसान मन के  लहलहात सब्जी अउ गन्ना के फसल मन ल तबाह कर दिस हे. वहीं, कई घर मन ल भी तोड़ दिस हे.

हाथी मन म काबू पाए म नाकाम वन विभाग ग्रामीण मन ल मुआवजा देके बात कहिके अपन जिम्मेदारी ले पल्ला झाडत हे. वन विभाग के हाथी मन ल खदेड़े के सब कवायद नाकाम साबीत होवत हे. लेकिन, वन विभाग मुआवजा बांट के अपन जिम्मेदारी ल पूरा मानत हे.

 

 

... और पढ़ें

छात्रा के साथ अनाचार करे के मामला म आरोपी शिक्षक होईस गिरफ्तार

सीतापुर। ट्यूशन पढ़े बर आए छात्रा के दैहिक शोषण करे के आरोपी शिक्षक ल पुलिस ह तीन महिना बाद गिरफ्तार कर न्यायालय में पेश करिस, जिहां ले वोला जेल भेज दे गिस हे। शिक्षक के खिलाफ छात्रा के साथ अनाचार, मारपीट कर जान ले मारे के धमकी व गाली-गलौज के दू मामला दर्ज रहिस हे। घटना के बाद ले ही शिक्षक फरार रिहिस हे।

जानकारी के अनुसार विकासखंड मैनपाट के ग्राम राजापुर हाईस्कूल म पदस्थ पंचायत व्याख्याता रसायन शास्त्र खिदमत राम राठिया निवासी ग्राम पेंट ह घर म ट्यूशन पढ़े बर आए गांव के 19 वर्षीया छात्रा के साथ अनाचार करिस अउ वोला जान ले मारे के धमकी दिस ।

धमकी ले भयभीत छात्रा ह ऐकर जानकारी कोनो ल नइ दिस अउ लगातार शिक्षक ह वोकर दैहिक शोषण करत रहिस हे। ऐकर भनक परिजन मन ल लगे म छात्रा ल साथ लेके वोमन ह शिक्षक के खिलाफ अपराध दर्ज कराए बर सीतापुर आवत रहिस हे। शिक्षक ल ऐकर खबर मिलीस त वोहा रास्ता रोक के छात्रा ल गाली देवत वोकर ले मारपीट करिस अउ जान ले मारे के भी धमकी दिस। घटना के रिपोर्ट म पुलिस ह शिक्षक के खिलाफ अनाचार के मामला म धारा 376, 342, 506 व मारपीट व धमकाए के मामला म धारा 294, 323, 452, 506 के तहत अपराध दर्ज करे रिहिस हे । रिपोर्ट दर्ज होए के बाद ले शिक्षक फरार रिहिस हे। बहुत खोजबीन के बाद पुलिस ह वोला ससुराल म छिपे होए के जानकारी म घेराबंदी करत गिरफ्तार कर लिस। वोला न्यायालय म पेश करे गिस, जिहां ले वोला जेल भेज दे गिस हे । 

... और पढ़ें