रायगढ़
युवती ह अपन आप ल लगाईस आगि, होईस मउत, प्रेमी ल ठहराईस जिम्मेदार

रायगढ़ । रायगढ़ जिला म जूटमिल चौकी थानांतर्गत एक युवती ह अपन ऊपर मिट्टी तेल डालके आग लगा लिस, जेकर अस्पताल म ईलाज के दउरान मउत होगीस। युवती ह मरे ले पहिली एक  सुसाइड नोट छोड़े हे जेमे अपन मउत के जिम्मेदार वोहा अपन प्रेमी ल ठहराये हे। 

मिले जानकारी के अनुसार जूटमिल चौकी थानांतर्गत एफसीआई गोदाम के पास किराए के मकान म रहिने वाली जया दास पिता अजय दास उम्र 18 वर्ष ह पिछले कुछ माह ले जूटमिल क्षेत्र निवासी मनीष अग्रवाल के घर म घरेलू कामकाज करत रिहिस हे। मनीष अग्रवाल के मकान म लैलूंगा क्षेत्र के ग्राम गहिरा निवासी 35 वर्षीय चंदन भी काम करत रिहिस हे। कामकाज के दरमियान दूनों के बीच प्रेम होगिस। बताए गए हे कि चंदन पहिली ले ही विवाहित रिहिस हे अउ वोकर पहिली पत्नी ले दू संतान हे। बावजूद ऐकर चंदन जया ल पत्नी बनाके अपन साथ रखे बर चाहत रिहिस हे ।

अईसे म चंदन युवती ल अपन साथ 2 जनवरी के  लैलूंगा लेके गिस। दू दिन साथ रहे के बाद युवती वापस पुनः चंदन के साथ लउटिस। वहीं युवती ल रायगढ़ छोड़े के बाद चंदन फिर लैलूंगा चले गिस। इही  बात जया ल नागवार गुजरीस अउ बुधवार के जब चंदन वापस लउटिस त युवती ह पहिली सुसाइड नोट तैयार करिस। फिर शरीर म मिट्टी तेल डालके अपन ल आग के हवाला कर दिस। चूंकि वो वक्त मकान मालिक घर म रिहिस हे, लिहाजा वोहा युवती ल तत्काल ईलाज बर अस्पताल पहुंचाईस। मगर युवती के शरीर काफी अधिक जल गए रिहिस हे, इही कारण इलाज के कुछ देर बाद ही वोहा दम तोड़ दिस।  फिलहाल जूटमिल पुलिस ह युवती के मउत के बाद मामला के विवेचना करत हे ।

... और पढ़ें

दू माह ले घर से गायब युवक के मिलिस लाश

रायगढ़ । दू माह ले रहस्यमय ढंग ले लापता युवक के पेड़ म फंदा ले लटकत लाश मिले हे। सारंगढ़ पुलिस ह मर्ग कायम कर लिस हे। जानकारी अनुसार सारंगढ़ थानांतर्गत बिरकोट निवासी धनेश्वर बरिहा(35) अपन घर ले बिना कोनो ल बताए पिछले दू माह ले लापता रिहिस हे।

जेकर पतासाजी करे जात रिहिस हे । 3 जनवरी के जब युवक के पिता जानवर मन ल चराए बर जंगल के तरफ गए रिहिस हे त अपन बेटा के लाश पेड़ म लटकत देखिस। मृतक के पिता ह ऐकर सूचना पुलिस ल दिस। पुलिस ह शव बरामद कर मामला विवेचना म ले लिस हे।

... और पढ़ें

व्यापारी ल फोन करके धमकी देके फिरौती मांगने वाला दू आरोपी होईस गिरफ्तार

रायगढ़ । धमकी भरे मेसेज अउ फोन करके 1 लाख के फिरौती मांगने वाला दू आरोपी सारंगढ़ पुलिस के हत्था चढ़ गिस है । आरोपी मन ह ज्वेलरी शॉप संचालक ल 1 लाख रुपया नइ दे म दंड स्वरूप म पांच लाख के मांग करत रिहिस हे। पीड़ित के शिकायत म पुलिस ह घेराबंदी करके आरोपी मन ल धरदबोचिस। दूनों आरोपी मन के खिलाफ पुलिस कार्रवाई करत हे ।

मिले जानकारी के अनुसार सारंगढ़ निवासी अल्का ज्वेलर्स के संचालक प्रवेश केशरवानी के पास दू दिन पहिली तीन अज्ञात नम्बर मन ले फोन कॉल अउ मेसेज आईस कि 1 लाख रुपए दो। राशि नइ दे के स्थिति म वोकर दंड स्वरूप 5 लाख रुपया वसूले जाहि। अज्ञात व्यक्ती मन के द्वारा ये तरह फिरौती मांगे के बात व्यवसायी ह सारंगढ़ थाना म शिकायत दर्ज कराईस। जेकर बाद पुलिस ह तीन अलग अलग टीम के गठन कर आरोपी मन ल पकड़े के  योजना बनाईस। जेकर तहत व्यवसायी ल 23 दिसंबर के दिन व तय समय म एक लाख रुपया लेके निर्धारित जगह रायगढ़ के मिनी स्टेडियम म भेजे गिस।

पुलिस के ये योजना काम कर गिस अउ आरोपी ज्वेलरी व्यवसायी ले राशि ले बर मिनी स्टेडियम के पास निर्धारित जगह पहुंच गिस। अईसे म वहां पहिली ले मुस्तैद पुलिस टीम ह लोचन नगर निवासी सुधीर मार्शल उम्र 28 ल रंगे हाथ पकड़ लिस। पुलिस पकड़ म आए के बाद आरोपी ह अपन एक अउ साथी छत्रपाल कर्ष के भी मामला म शामिल होए के बात बताईस। जेकर बाद पुलिस ह वोला भी रौनक ढाबा के पास ले गिरफ्तार कर लिस।

 

... और पढ़ें

डम्पर ह मारिस साइकिल सवार ल टक्कर, होईस मउत

रायगढ़। काम करे बर जात युवक ल डम्फर ह ठोकर मार दिस मउका म ही वोकर मउत हो गिस। पिता के सूचना म सरिया पुलिस ह अज्ञात वाहन चालक के खिलाफ अपराध पंजीबद्घ करत मामला के विवेचना शुरू कर दिस हे।

ऐ संबंध म मिले जानकारी के अनुसार किशनलाल निषाद पिता बैशाखु निषाद उम्र 36 बरस निवासी साल्हेओना थाना सरिया अपन गांव के ही क्रेशर म काम करत रिहिस हे। रविवार के दोपहर 3:30 बजे वोहा अपन साइकिल ले काम म जावत रहिस हे।

इही दउरान कटंगपाली पुल के पास अज्ञात वाहन चालक ह युवक ल पीछे ले ठोकर मार दिस। डम्फर के ठोकर ले युवक के मउका म ही मउत हो गिस। डम्फर चालक घटना स्थल ले फरार हो गिस। स्थानीय लोगन मन ह युवक के परिजन मन ल घटना के सूचना दिस। परिजन मन ह घटना स्थल म पहुंचे के बाद सरिया थाना म पहुंचके के घटना के जानकारी दिस। सरिया पुलिस ह शव के पंचनामा कर वोला पोस्टमार्टम बर भेज दिस। सरिया पुलिस ह अज्ञात डम्फर चालक के खिलाफ 304 ए के तहत मामला दर्ज करत विवेचना शुरू कर दिस हे।

 

-

... और पढ़ें

जेल के 6 कैदी मन होईस चिकनपॉक्स बीमारी के शिकार

सरगुजा : रायगढ़ जिला जेल म बंद कैदी मन म चिकनपॉक्स फैल गे हे. आधा दर्जन कैदी मन के गंभीर होए के बाद जेल प्रबंधन ह प्रशासन ले मदद मांगिस हे अउ जेल म बंद बाकी बंदी मन म ऐ बीमारी ल फइले ले रोके बर शिविर लगाके इलाज करे के बात कहे जात हे.

जेल अधीक्षक जीएस शौरी के मुताबिक, जेल म बंद 6 बंदी चिकनपॉक्स के चपेट म हे, जेकर उपचार करे जात हे. वोकर हालत पहिली ले बेहतर हे. जिला म चिकनपॉक्स ले प्रभावित मरीज मन के बाद अब जेल के बंदी मन म भी ऐ बीमारी फईल गे हे.

जेल म करीब सप्ताह भर पहिली चिकनपॉक्स के एक मरीज देखे गए रहिस हे. वहीं, एक मरीज के संपर्क म आए के बाद लगातार मरीज मन के संख्या बढ़त गिस. संक्रामक बीमारी ह करीब 6 लोगन मन ल अपन चपेट म ले लिस हे.

 

... और पढ़ें

चलती बाइक ले महिला गिरिस, आईस डम्पर के पहिया के नीचे, मउत

रायगढ़। मां बर दवा ले बर बरमकेला गए महिला ल वो वक्त अपन जान के कीमत चुकाए बर पडीस जब दवा खरीदी करके वोहा लिफ्ट लेके वापस लेंध्रा लउटत रहिस हे । इही बीच सड़क म बने रोड ब्रेकर म जब बाइक चालक ह ब्रेक मारिस त वोहा बाइक ले उछलके सड़क म गिर गिस। वोकर जमीन म गिरत ही अनियंत्रित डम्पर वोकर ऊपर चढ़ गिस, जेकर कारण वोकर मउका म ही मउत हो गिस। बरमकेला पुलिस द्वारा आरोपी डम्पर चालक ल गिरफ्तार कर ले गिस हे ।

लेंध्रा निवासी भावना अग्रवाल अपन 10 वर्षीय बच्ची के साथ बुधवार के सुबेह बरमकेला म मां बर दवा खरीदे बर गए रिहिस हे । बताए जात हे कि महिला लिफ्ट लेके ही बरमकेला गए रिहिस हे । वहीं वापसी म भी वोहा कोनो बाइक सवार के साथ लउटत रिहिस हे । अईसे म बरमकेला अउ लेंध्रा के बीच सड़क म ब्रेकर के पास जब बाइक चालक ह ब्रेक लगाईस त महिला बाइक ले नीचे गिर गिस। उही दउरान आत डम्पर के चालक ह नियंत्रण खो बईठिस अउ डम्पर के पहिया महिला के उपर चढ़ गिस, जेकर ले महिला ह दम तोड़ दिस। लेकिन परिजन मन के द्वारा वोला जिला अस्पताल पहुंचाए गिस, जिहां डॉक्टर मन ह वोला मृत घोषित कर दिस।

... और पढ़ें